من اجمل ذكريات هالطقس البارد ❄ هي عرباية الفول النابت 🌱 اس الله لما كانت موجودة بسوريا 🇸🇾 بكل شارع.
بتلاقي حالك بنص هالليل على غفلة عم تتلمض و تتشهون على صحن فول 🥺 مع رشة كمون وملح وكاسة مرقة سخنة حامضة 🍋
بتنزل من بيتك بعز دين المطر و البرد 🌧 على اقرب عرباية معلم فول 🧑🍳 و على صحن رايح و صحن جاية لحتى يصير معك تخمة و كأنك اكل كوارع 🤪
طبعا عادي تشوف كزا شب عم ياكلوا فول ناحك و يلكّوا ⬇️ فولاتهن بصحن الملح و الكمون 🍵 القريب منك. اصلا هو كل ٣ بيتشاركوا بصحن واحد.
الليمون 🍋 بكون مصفوف ديكور ع العرباية للمنظر فقط لانه غالي بحطوا ملح الليمون⚠️ يلي بيهري المصارين هري.. بس عادي كلها كم مغصة 😂
بتشوف الكبير و الصغير، الغني و الفقير كلهن واقفين🕴🕴 ع نفس العرباية عم ياكلوا و يشرقوا 📢 سوا الا النسوان 👩 بياخدو سفري و بيهربوا فيهن ع أقرب جنينة🌹او ع البيت، مدري بيستحوا مدري بخافوا حدا يشوفهن من اهليتهن💔
هالاكلة صارت تراث عند السوريين و أحد سبل السعادة الى الكرش 😌 و قد ما مر علينا الزمان و اتغربنا و اكلنا بيتزا هات رح يضل صحن الفول عنا من اساسيات الشتاء 😍
من اجمل ذكريات هالطقس البارد ❄ هي عرباية الفول النابت 🌱 اس الله لما كانت موجودة بسوريا 🇸🇾 بكل شارع.
بتلاقي حالك بنص…
Posted by Sooreety – سوريتي on Thursday, January 21, 2021
